Prabhas’ Fauji Release Date Locked?
పాన్ ఇండియా స్టార్ ప్రభాస్ ప్రస్తుతం వరుస భారీ ప్రాజెక్టులతో బిజీగా ఉన్నాడు. సంక్రాంతి సందర్భంగా విడుదలైన ‘ది రాజాసాబ్’ తర్వాత ఆయన అభిమానులు ఆసక్తిగా ఎదురుచూస్తున్న చిత్రాల్లో దర్శకుడు హను రాఘవపూడి తెరకెక్కిస్తున్న ‘ఫౌజీ’ ఒకటి. పీరియాడిక్ యాక్షన్ డ్రామాగా రూపొందుతున్న ఈ చిత్రంపై ఇప్పటికే భారీ అంచనాలు నెలకొన్నాయి. తాజాగా ఈ సినిమాకు సంబంధించిన రిలీజ్ డేట్పై ఇండస్ట్రీలో ఆసక్తికరమైన ప్రచారం జరుగుతోంది.
సినీ వర్గాల సమాచారం ప్రకారం, ‘ఫౌజీ’ చిత్రాన్ని డిసెంబర్ 3న ప్రపంచవ్యాప్తంగా విడుదల చేయాలని మేకర్స్ ప్రణాళిక సిద్ధం చేసినట్లు తెలుస్తోంది. ప్రస్తుతం చిత్రీకరణ శరవేగంగా కొనసాగుతుండగా, పోస్ట్ ప్రొడక్షన్ పనులను కూడా సమాంతరంగా పూర్తి చేసేలా ప్లానింగ్ జరుగుతోందని సమాచారం. అయితే ఈ విడుదల తేదీపై చిత్రబృందం నుంచి ఇంకా అధికారిక ప్రకటన వెలువడాల్సి ఉంది. ఆ ప్రకటన కోసం అభిమానులు ఆసక్తిగా ఎదురుచూస్తున్నారు.
Prabhas’ Fauji Release Date Locked?
మరోవైపు ఆగస్టు 15న స్వాతంత్ర్య దినోత్సవం సందర్భంగా ఈ సినిమా నుంచి ప్రత్యేక గ్లింప్స్ను విడుదల చేసి అభిమానులకు సర్ప్రైజ్ ఇవ్వాలని చిత్రబృందం భావిస్తున్నట్లు తెలుస్తోంది. ఈ గ్లింప్స్లో సినిమా విజువల్ స్కేల్, యాక్షన్ ఎలిమెంట్స్, ప్రభాస్ పాత్రకు సంబంధించిన కొన్ని కీలక క్షణాలను చూపించే అవకాశం ఉందని సినీ వర్గాలు చెబుతున్నాయి. ఈ వీడియోతో సినిమాపై మరింత హైప్ క్రియేట్ చేయాలనే లక్ష్యంతో మేకర్స్ ఉన్నట్లు సమాచారం.
‘ఫౌజీ’లో ప్రభాస్ను ఇప్పటివరకు చూడని విధంగా అత్యంత పవర్ఫుల్ పాత్రలో దర్శకుడు హను రాఘవపూడి ఆవిష్కరించనున్నట్లు సమాచారం. ఆయన లుక్, బాడీ లాంగ్వేజ్, యాక్షన్ స్టైల్ అన్నీ కొత్తగా ఉండేలా ప్రత్యేక శ్రద్ధ తీసుకుంటున్నారని తెలుస్తోంది. దేశభక్తి, భావోద్వేగాలు, ప్రేమ, యాక్షన్ అంశాల సమ్మేళనంగా ఈ కథ రూపొందుతున్నట్లు టాక్ వినిపిస్తోంది. ఈ చిత్రాన్ని కేవలం కమర్షియల్ ఎంటర్టైనర్గా కాకుండా, అత్యున్నత సాంకేతిక ప్రమాణాలతో రూపొందిస్తున్నారని చిత్ర యూనిట్ చెబుతోంది. భారీ సెట్లు, అత్యాధునిక విజువల్ ఎఫెక్ట్స్, అద్భుతమైన సినిమాటోగ్రఫీ, అంతర్జాతీయ స్థాయి నిర్మాణ విలువలతో ‘ఫౌజీ’ని ఒక విజువల్ వండర్గా ప్రేక్షకుల ముందుకు తీసుకురావాలనే లక్ష్యంతో మేకర్స్ పనిచేస్తున్నారు. ఈ చిత్రంలో ప్రభాస్ సరసన కొత్త హీరోయిన్ ఇమాన్వీ నటిస్తోంది. అలాగే ప్రముఖ నటులు అనుపమ్ ఖేర్, మిథున్ చక్రవర్తి, జయప్రద, భాను చందర్ కీలక పాత్రలు పోషిస్తున్నారు. వీరి పాత్రలు కథలో కీలక మలుపులకు కారణమవుతాయని సమాచారం.
Prabhas’ Fauji Release Date Locked?
ఈ చిత్రాన్ని మైత్రీ మూవీ మేకరర్స్ బ్యానర్పై నిర్మాతలు నవీన్ యెర్నేని, వై రవిశంకర్ అత్యంత భారీ బడ్జెట్తో నిర్మిస్తున్నారు. టీ సిరీస్ అధినేతలు గుల్షన్ కుమార్ సమర్పణలో, భూషణ్ కుమార్ ఆధ్వర్యంలో ఈ సినిమా రూపొందుతోంది. విశాల్ చంద్రశేఖర్ సంగీతం అందిస్తుండగా, ఆయన బ్యాక్గ్రౌండ్ స్కోర్ సినిమాకు మరో ప్రధాన ఆకర్షణ కానుందని చిత్ర యూనిట్ భావిస్తోంది. ప్రస్తుతం ‘ఫౌజీ’ విడుదల తేదీగా డిసెంబర్ 3 ప్రచారంలో ఉన్నప్పటికీ, దీనిపై చిత్రబృందం నుంచి అధికారిక ప్రకటన రావాల్సి ఉంది. అలాగే ఆగస్టు 15న విడుదల కానున్నట్లు ప్రచారం జరుగుతున్న గ్లింప్స్పై కూడా అధికారిక అప్డేట్ కోసం అభిమానులు ఆసక్తిగా ఎదురుచూస్తున్నారు. ప్రభాస్ కెరీర్లో మరో భారీ పాన్ ఇండియా హిట్గా ‘ఫౌజీ’ నిలుస్తుందా అనే ప్రశ్నకు సమాధానం దొరకాలంటే సినిమా విడుదల వరకు వేచి చూడాల్సిందే.
About the Author
