fahadh-faasil-cake-walk-song
విలక్షణ నటుడు ఫహాద్ ఫాజిల్ ప్రధాన పాత్రలో తెరకెక్కుతున్న క్రేజీ ఫాంటసీ ఎంటర్టైనర్ ‘డోంట్ ట్రబుల్ ది ట్రబుల్’. ‘బాహుబలి’ వంటి ఇండస్ట్రీ హిట్ను అందించిన ఆర్కా మీడియా వర్క్స్తో పాటు షోయింగ్ బిజినెస్ బ్యానర్స్పై ఈ చిత్రం రూపొందుతోంది. శోభు యార్లగడ్డ, ప్రసాద్ దేవినేని, ఎస్.ఎస్. కార్తికేయ సంయుక్తంగా నిర్మిస్తున్న ఈ సినిమాకు కొత్త దర్శకుడు శశాంక్ యేలేటి దర్శకత్వం వహిస్తున్నారు.
fahadh-faasil-cake-walk-song
ఇప్పటికే టీజర్తో సినిమాపై ఆసక్తిని పెంచిన మేకర్స్.. తాజాగా ఫస్ట్ సింగిల్ ‘కేక్ వాకు’ను విడుదల చేశారు. కాల భైరవ సంగీతం అందించిన ఈ పాటలో ఫహాద్ ఫాజిల్ ఎనర్జీ, అతని ప్రత్యేకమైన బాడీ లాంగ్వేజ్ హైలైట్గా నిలిచాయి.
‘కేక్ వాకు’ పాటలో సూరి అనే పాత్రకు సంబంధించిన వైబ్స్ను చాలా ఇంట్రెస్టింగ్గా పరిచయం చేశారు. సూరికి ఏ పని అయినా ‘కేక్వాక్’లానే సులభమనే కాన్సెప్ట్ను క్యాచీ లిరిక్స్తో చెప్పే ప్రయత్నం చేశారు. కాల భైరవ, ఎంసీ హరి కలిసి అందించిన సాహిత్యం పాటకు మంచి మాస్ ఎనర్జీని తీసుకొచ్చింది.
పాట ప్రారంభంలో కూల్గా సాగిన మ్యూజిక్.. కాల భైరవ థంపింగ్ బీట్స్తో ఎంట్రీ ఇచ్చిన తర్వాత ఒక్కసారిగా ఊపందుకుంటుంది. కాల భైరవ వోకల్స్తో పాటు అతని ఎనర్జిటిక్ స్టెప్స్ కూడా పాటకు అదనపు ఆకర్షణగా నిలిచాయి. ఫహాద్ ఫాజిల్ తనదైన స్టైల్లో వేసిన మూవ్స్, ఎక్స్ప్రెషన్స్, గ్రేస్ఫుల్ పెర్ఫార్మెన్స్ పాటను మరింత ఎంటర్టైనింగ్గా మార్చాయి.
ఫహాద్ ఫాజిల్ స్క్రీన్ ప్రెజెన్స్ చూసినప్పుడు ‘ఆవేశం’లోని రంగ పాత్రను అభిమానులు గుర్తు చేసుకునేలా ఆయన ఎనర్జీ కనిపిస్తుంది. ముఖ్యంగా ఆయన బాడీ లాంగ్వేజ్, నవ్వు, చార్మ్ ఈ మ్యూజిక్ వీడియోకు ప్రత్యేకమైన వైబ్ను తీసుకొచ్చాయి. స్సారా కూడా వీడియోలో సందడి చేస్తూ పాటకు మరింత ఫన్ యాడ్ చేసింది.
‘డోంట్ ట్రబుల్ ది ట్రబుల్’ను కేవలం సాధారణ ఫాంటసీ సినిమా కాకుండా డిఫరెంట్ కంటెంట్తో తెరకెక్కిస్తున్నట్లు ఇప్పటికే వచ్చిన ప్రమోషనల్ కంటెంట్ సూచిస్తోంది. ఫహాద్ ఫాజిల్ వంటి విలక్షణ నటుడు, శశాంక్ యేలేటి వంటి కొత్త దర్శకుడి కాంబినేషన్పై కూడా ఆసక్తి నెలకొంది.
ఇక ‘కేక్ వాకు’ పాటతో మ్యూజిక్ పరంగా కూడా సినిమాపై అంచనాలు పెరిగాయి. ఫాంటసీ, కామెడీ, యాక్షన్ అంశాలతో రూపొందుతున్న ఈ చిత్రం సెప్టెంబర్ 11, 2026న ప్రపంచవ్యాప్తంగా గ్రాండ్గా విడుదల కానుంది.
About the Author
