The Akkineni Trio in One Stylish Frame

టాలీవుడ్‌లో అక్కినేని కుటుంబానికి ఉన్న గుర్తింపు గురించి ప్రత్యేకంగా చెప్పాల్సిన అవసరం లేదు. ఒక తరం నుంచి మరో తరానికి సినీ వారసత్వాన్ని కొనసాగిస్తూ తమకంటూ ప్రత్యేకమైన ఇమేజ్‌ను సొంతం చేసుకున్న నాగార్జున, నాగ చైతన్య, అఖిల్ తాజాగా ఒకే ఫ్రేమ్‌లో కనిపించి అభిమానులను ఆకట్టుకుంటున్నారు.

ప్రముఖ అంతర్జాతీయ ఎంటర్‌టైన్‌మెంట్ మ్యాగజైన్ వెరైటీ (Variety) కోసం జరిగిన ప్రత్యేక ఫొటోషూట్‌లో ఈ ముగ్గురు అక్కినేని హీరోలు ఎంతో స్టైలిష్‌గా పోజులిచ్చారు. ప్రస్తుతం ఈ ఫొటో సోషల్ మీడియాలో సినీ అభిమానుల దృష్టిని ఆకర్షిస్తోంది.

ఈ ఫొటోలో మధ్యలో కింగ్ నాగార్జున తనదైన స్టైలిష్ లుక్‌తో కనిపిస్తుండగా, ఆయనకు ఇరువైపులా నాగ చైతన్య, అఖిల్ కూర్చుని కనిపించారు. బ్రౌన్ షేడ్స్‌లోని ఫార్మల్ అవుట్‌ఫిట్స్‌లో ముగ్గురూ క్లాస్‌తో పాటు మాస్ స్టైల్‌ను కూడా ప్రతిబింబించారు. ముఖ్యంగా వారి మధ్య కనిపిస్తున్న బాండింగ్ ఈ ఫొటోకు మరింత ప్రత్యేక ఆకర్షణగా నిలిచింది. నాగార్జున ఎప్పటిలాగే కూల్ అండ్ కాన్ఫిడెంట్ లుక్‌లో కనిపించగా, నాగ చైతన్య తన సింపుల్ అండ్ స్టైలిష్ ప్రెజెన్స్‌తో ఆకట్టుకున్నారు. మరోవైపు అఖిల్ కూడా ట్రెండీ లుక్‌తో ఫొటోకు యూత్‌ఫుల్ టచ్ ఇచ్చారు.

సాధారణంగా అక్కినేని కుటుంబ సభ్యులు కలిసి కనిపించే సందర్భాలు అభిమానులకు ఎప్పుడూ ప్రత్యేకమే. అలాంటిది ఇప్పుడు అంతర్జాతీయ స్థాయి మ్యాగజైన్ కోసం జరిగిన ఈ ఫొటోషూట్‌లో నాగార్జునతో పాటు ఆయన ఇద్దరు కుమారులు నాగ చైతన్య, అఖిల్ కలిసి ఒకే ఫ్రేమ్‌లో కనిపించడం అభిమానుల్లో మరింత ఉత్సాహాన్ని నింపుతోంది.

“తండ్రి స్టైల్… కొడుకుల స్వాగ్… ఒకే ఫ్రేమ్‌లో అక్కినేని ఫ్యామిలీ స్టార్ పవర్” అంటూ ఈ ఫొటోపై అభిమానులు సోషల్ మీడియాలో కామెంట్లు చేస్తున్నారు. ఒక్క మాటలో చెప్పాలంటే.. ఇది కేవలం ఒక ఫొటో కాదు. అక్కినేని కుటుంబంలోని మూడు విభిన్న వ్యక్తిత్వాలు, మూడు ప్రత్యేకమైన స్క్రీన్ ఇమేజ్‌లు ఒకే ఫ్రేమ్‌లో కలిసిన స్టైలిష్ మూమెంట్. తాజాగా ఈ ఫొటోతో తండ్రీకొడుకులు ముగ్గురు మరోసారి స్ర్కీన్‌ షేర్ చేసుకుంటే బాగుంటుందని అక్కినేని అభిమానులు ఆశిస్తున్నారు.