పాన్ ఇండియా స్టార్ ప్రభాస్ నటిస్తున్న ప్రతిష్టాత్మక చిత్రం ‘‘స్పిరిట్’’ గురించి ఇటీవల సోషల్ మీడియాలో వినిపించిన వాయిదా వార్తలకు చిత్రబృందం చెక్ పెట్టింది. దర్శకుడు సందీప్ రెడ్డి వంగా రూపొందిస్తున్న ఈ సినిమాను అనుకున్న షెడ్యూల్ ప్రకారమే తెరకెక్కిస్తున్నామని మేకర్స్ స్పష్టం చేశారు. ఇటీవల “స్పిరిట్” విడుదల తేదీ మారవచ్చని ప్రచారం జరిగినప్పటికీ, ఈ వార్తల్లో ఎలాంటి నిజం లేదని అధికారికంగా ప్రకటించారు. నిర్మాత భూషణ్ కుమార్ నేతృత్వంలోని టీ సిరీస సంస్థ ఈ ప్రాజెక్ట్‌ను భారీ స్థాయిలో నిర్మిస్తోంది. సినిమా పనులు ప్లాన్ ప్రకారమే కొనసాగుతున్నాయని, ఎలాంటి ఆలస్యం లేకుండా ప్రపంచవ్యాప్తంగా 2027 మార్చి 5న విడుదల చేయనున్నట్లు క్లారిటీ ఇచ్చారు. ఈ ప్రకటనతో అభిమానుల్లో నెలకొన్న అనుమానాలకు తెరపడింది. యాక్షన్ బ్యాక్‌డ్రాప్‌లో రూపొందుతున్న ఈ చిత్రంపై ఇప్పటికే భారీ అంచనాలు నెలకొన్నాయి.

అనౌన్స్‌మెంట్ నుంచే ఈ సినిమాలో ప్రభాస్‌ లుక్‌ ఎలా ఉండబోతోందో అనే ఆసక్తి నెలకొంది. ఆ అంచనాలకు ఏమాత్రం తీసిపోని రీతిలో విడుదలైన ఫస్ట్ లుక్ పోస్టర్‌‌ సినిమాపై మరిన్ని అంచనాలు పెంచింది.
‘ఇండియన్ సినిమా ఆజానుభాహుడుని చూడండి’ అంటూ సందీప్ రెడ్డి వంగా గతంలో వదిలిన పోస్టర్‌‌లో పొడవాటి జుట్టు, గడ్డం, ఒళ్లంతా గాయాలతో బ్యాండేజ్‌ కట్టుకుని ప్రభాస్‌ వెనక్కు తిరిగి నిలబడ్డాడు. చేతిలో ఆల్కహాల్ బాటిల్‌తో ఓ కిటికీ దగ్గర ప్రభాస్‌ నిల్చొని ఉండగా, త్రిప్తి దిమ్రి తనకు సిగరెట్ వెలిగిస్తోంది. ప్రభాస్‌ క్యారెక్టర్‌‌లోని ఇంటెన్సిటీ, ఇంటర్నల్‌ కాన్‌ఫ్లిక్ట్‌ను ఎలివేట్‌ చేసేలా డిజైన్ చేసిన ఈ పోస్టర్‌తో సినిమా బాక్సాఫీస్ వద్ద భారీ సంచలనం సృష్టిస్తుందని ట్రేడ్ వర్గాలు అంచనా వేస్తున్నాయి. ప్రకాష్ రాజ్, వివేక్ ఒబెరాయ్, సీనియర్ నటి కాంచన కీలకపాత్రలు పోషిస్తున్నారు. శరవేగంగా షూటింగ్ జరుగుతోంది.