టాలీవుడ్‌లో కొంతకాలంగా హాట్ టాపిక్‌గా మారిన నందమూరి బాలకృష్ణ, కొరటాల శివ కాంబినేషన్‌పై వస్తున్న వార్తలు ఎట్టకేలకు నిజమయ్యాయి. గాడ్ ఆఫ్ మాసెస్ నందమూరి బాలకృష్ణ తన తదుపరి ప్రాజెక్ట్‌గా #NBK112ను అధికారికంగా ప్రకటించడంతో అభిమానుల్లో ఉత్సాహం మరింత రెట్టింపు అయింది. ఇప్పటికే #NBK111గోపీచంద్ మలినేని మూవీ షూటింగ్‌లో బిజీగా ఉన్న బాలయ్య, ఈ భారీ ప్రాజెక్ట్‌తో మరోసారి బాక్సాఫీస్‌పై దండయాత్రకు సిద్ధమవుతున్నారు. ఈ అధికారిక ప్రకటనతో ఇండస్ట్రీలో సెన్సేషన్ క్రియేట్ అయ్యింది. లార్జర్ దేన్ లైఫ్ మాస్ ఎంటర్‌టైనర్‌లకు కేరాఫ్ అడ్రస్‌గా నిలిచిన దర్శకుడు కొరటాల శివ, ఈసారి బాలకృష్ణ పవర్‌ఫుల్ స్క్రీన్ ప్రెజెన్స్‌కు సరిపోయేలా ఒక సాలిడ్ కథను సిద్ధం చేసినట్టు తెలుస్తోంది. యాక్షన్‌తో పాటు బలమైన సామాజిక సందేశాన్ని కలిపి కథను డిజైన్ చేయడం కొరటాల ప్రత్యేకత. అదే ఫార్ములాను మరింత హై వోల్టేజ్ స్థాయిలో ఈ చిత్రంలో చూపించబోతున్నారని టాక్. ఈ అనౌన్స్‌మెంట్ పోస్టర్‌లో కనిపించిన “Power Meets Purpose, Mass Becomes A Movement” ( శక్తికి ఒక లక్ష్యం తోడైనప్పుడు, జనసమూహం ఒక ఉద్యమంగా మారుతుంది) అనే ట్యాగ్‌లైన్ సినిమాపై అంచనాలను మరింత పెంచుతోంది. ఇది కేవలం మాస్ ఎంటర్‌టైనర్ మాత్రమే కాకుండా, ఒక శక్తివంతమైన సందేశాన్ని తీసుకురాబోతోందని స్పష్టమవుతోంది. ఇప్పటికే స్క్రిప్ట్‌ను పూర్తిగా లాక్ చేసిన కొరటాల శివ, త్వరలోనే రెగ్యులర్ షూటింగ్ ప్రారంభించేందుకు సిద్ధమవుతున్నారు. ఈ ప్రాజెక్ట్‌కు సంబంధించిన నిర్మాతలు, హీరోయిన్, ఇతర నటీనటులు మరియు టెక్నికల్ టీమ్ వివరాలు త్వరలోనే అధికారికంగా ప్రకటించనున్నారు. మొత్తానికి, బాలకృష్ణ మాస్ ఇమేజ్‌కి కొరటాల శివ మార్క్ మెసేజ్ యాడ్ అయితే, #NBK112 టాలీవుడ్‌లో మరో ఇండస్ట్రీ హిట్‌గా నిలిచే అవకాశాలు బలంగా కనిపిస్తున్నాయి. అభిమానులు ఇప్పటినుంచే ఈ క్రేజీ కాంబో కోసం ఈగర్‌గా ఎదురుచూస్తున్నారు.