Jailer 2 Locks Dasara Release
సూపర్స్టార్ రజినీకాంత్ అభిమానులు ఎంతో ఆసక్తిగా ఎదురుచూస్తున్న చిత్రాల్లో ‘జైలర్ 2’ ఒకటి. ఇప్పటికే భారీ విజయాన్ని అందుకున్న ‘జైలర్’ చిత్రానికి సీక్వెల్గా రూపొందుతున్న ఈ సినిమాపై మొదటి నుంచే భారీ అంచనాలు నెలకొన్నాయి. తాజాగా ఈ మూవీ విడుదల తేదీపై మేకర్స్ అధికారిక ప్రకటన చేయడంతో అభిమానుల్లో ఉత్సాహం మరింత పెరిగింది. దసరా పండుగ సందర్భంగా, సెలవుల సీజన్ను క్యాష్ చేసుకునేలా అక్టోబర్ 15న ‘జైలర్ 2’ను ప్రపంచవ్యాప్తంగా విడుదల చేయనున్నట్లు ప్రకటించారు.
Jailer 2 Locks Dasara Release
ఈ చిత్రాన్ని నెల్సన్ దిలీప్ కుమార్ దర్శకత్వం వహిస్తుండగా, ప్రముఖ నిర్మాణ సంస్థ సన్ పిక్చర్స్ నిర్మిస్తోంది. ఇటీవలే ఈ సినిమా షూటింగ్ పూర్తయింది. ప్రస్తుతం పోస్ట్ ప్రొడక్షన్ పనులు వేగంగా కొనసాగుతున్నాయి. మొదటి భాగం ఎంత స్టైలిష్గా, మాస్ ఎలిమెంట్స్తో ప్రేక్షకులను అలరించిందో, అదే స్థాయిలో కాకుండా మరింత భారీ స్థాయిలో సీక్వెల్ను రూపొందిస్తున్నారనే టాక్ కోలీవుడ్ వర్గాల్లో వినిపిస్తోంది.
‘జైలర్’ మొదటి భాగంలో కనిపించిన కీలక తారాగణం ఈ సీక్వెల్లోనూ కొనసాగనుండటం సినిమాపై ఆసక్తిని మరింత పెంచుతోంది. రజినీకాంత్తో పాటు రమ్యకృష్ణ, మీర్నా మీనన్, మోహన్ లాల్, శివ రాజ్కుమార్ మరోసారి తమ పాత్రల్లో కనిపించనున్నట్లు తెలుస్తోంది. మొదటి భాగంలో వీరి పాత్రలు కథకు బలం చేకూర్చగా, ఇప్పుడు సీక్వెల్లో వాటిని మరింత విస్తరించే అవకాశముందని సినీ వర్గాలు భావిస్తున్నాయి.
అయితే ఈ సినిమాపై హైప్ను మరింత పెంచుతున్న అంశం మరోటి కూడా ఉంది. బాలీవుడ్ బాద్షా షారుక్ ఖాన్ ఈ చిత్రంలో ఒక ముఖ్యమైన పాత్రలో కనిపించనున్నారనే వార్తలు ఫిల్మ్ సర్కిల్స్లో జోరుగా వినిపిస్తున్నాయి. దీనిపై అధికారిక ప్రకటన రానప్పటికీ, ఈ ప్రచారం నిజమైతే ‘జైలర్ 2’ పాన్-ఇండియా స్థాయిలో మరింత క్రేజ్ను సొంతం చేసుకోవడం ఖాయం అని చెప్పొచ్చు. ఇప్పటికే రజినీకాంత్, మోహన్లాల్, శివరాజ్కుమార్ల వంటి స్టార్ల కలయికే సినిమాకు ప్రత్యేక ఆకర్షణగా మారగా, షారుక్ ఖాన్ ఎంట్రీ ఉంటే అది అభిమానులకు డబుల్ ట్రీట్గా మారే అవకాశముంది.
మరోవైపు, ఈ చిత్రానికి సంగీతం అందిస్తున్న అనిరుధ్ రవిచందర్ పేరు కూడా ప్రేక్షకుల్లో ప్రత్యేకమైన అంచనాలు రేకెత్తిస్తోంది. మొదటి భాగంలో అనిరుధ్ అందించిన బ్యాక్గ్రౌండ్ స్కోర్, పాటలు సినిమాకు అదనపు బలం ఇచ్చాయి. ముఖ్యంగా ‘జైలర్’ థీమ్ మ్యూజిక్ ప్రేక్షకుల్లో మంచి స్పందన దక్కించుకుంది. దీంతో సీక్వెల్కి కూడా అతను అందించే సంగీతం సినిమాకు ప్రధాన హైలైట్గా నిలుస్తుందనే నమ్మకం అభిమానుల్లో కనిపిస్తోంది.
About the Author
