manchu-manoj-social-service
మంచు కుటుంబంలో మంచి మనసున్న మనోజ్
మానవత్వానికి మళ్లీ అర్థం చెప్పిన మనోజ్ మంచు.. సేవలోనూ ‘రా కింగ్’నే
ఎదుటి వారి బాధను పట్టించుకోనివారే మానసిక స్థితి లేనివారు : మంచు మనోజ్
సినిమాల్లో హీరోలు ఎంతోమందే ఉంటారు. కానీ నిజజీవితంలో మనుషుల జీవితాల్లో వెలుగు నింపే వారు మాత్రమే అసలైన హీరోలు అవుతారు. అలాంటి అరుదైన ఉదాహరణగా నిలిచారు రాకింగ్ స్టార్ మంచు మనోజ్. ఓవైపు వరుస సినిమాలతో కెరీర్లో బిజీగా కొనసాగుతూనే, మరోవైపు తనవంతుగా సమాజసేవ చేస్తూ పలువురికి అండగా నిలుస్తూ తన గొప్ప మనసును మరోసారి చాటుకున్నారు.
manchu-manoj-social-service
ఇటీవల ‘సెలెబ్రిటీతో పునర్జన్మ ఛాలెంజ్’ కార్యక్రమంలో భాగంగా మనోజ్ మంచు మాతృదేవోభవ అనాధ ఆశ్రమాన్ని సందర్శించారు. అక్కడ మానసిక స్థితి సరిగా లేక, నిరాశ్రయ జీవితాన్ని గడుపుతున్న సంతోష్ అనే యువకుడికి ఆయన ఇచ్చిన కొత్త జీవితం అందరినీ కదిలించింది. కేవలం మాటలతో కాదు.. స్వయంగా హెయిర్ కట్ చేయించడం, కొత్త బట్టలు వేయించడం, ఆప్యాయంగా మాట్లాడటం ద్వారా సంతోష్లో ఆత్మవిశ్వాసాన్ని నింపారు. పూర్తి మేకోవర్ తర్వాత సంతోష్ను చూసిన మనోజ్.. “సంతోష్ భాయ్… మీరు హీరోలా అయిపోయారు…ఈ కొత్త చొక్కా నచ్చిందా ” అంటూ పలకరించిన తీరు అక్కడున్న ప్రతి ఒక్కరినీ భావోద్వేగానికి గురి చేసింది. కేవలం ముప్పై నిమిషాల సమయం, కొంచెం ప్రేమ, కొద్దిపాటి మానవత్వం ఒక వ్యక్తి జీవితాన్ని ఎంతగా మార్చగలవో ఈ ఘటన నిరూపించింది.
ఈ సందర్భంగా మనోజ్ చేసిన వ్యాఖ్యలు సమాజానికి ఒక గట్టి సందేశంలా నిలిచాయి. అనాథాశ్రమాలు, వృద్ధాశ్రమాలకు కొంతమేర గుర్తింపు లభిస్తున్నప్పటికీ, మానసిక సమస్యలతో బాధపడుతున్న నిరాశ్రయులను మాత్రం సమాజం పూర్తిగా విస్మరిస్తోందని ఆయన ఆవేదన వ్యక్తం చేశారు. “ఎదుటి వారి బాధను చూసి కూడా మౌనంగా ఉండిపోయేవారే నిజంగా మానసిక స్థితి లేనివారు” అన్న ఆయన మాటలు ప్రతి ఒక్కరినీ ఆలోచింపజేస్తున్నాయి.
మన దగ్గర వైద్య సదుపాయాలు ఉన్నా, జ్ఞానం ఉన్నా, వనరులు ఉన్నా.. ఇంకా ఎంతోమంది రోడ్లపైనే బాధల్లో మగ్గిపోతుండటం బాధాకరమని మనోజ్ అన్నారు. సమాజం కలిసికట్టుగా ముందుకు వస్తే ఇలాంటి వారి జీవితాల్లో మార్పు తీసుకురాగలమని ఆయన పిలుపునిచ్చారు.
కేవలం తాత్కాలిక సహాయం కాదు.. దీర్ఘకాలిక పునరావాస వ్యవస్థ అవసరమని మనోజ్ స్పష్టం చేశారు. ఇప్పటికే క్రీడల కోసం రిహాబిలిటేషన్ సెంటర్ నిర్మించాలని భావిస్తున్న ఆయన, ఇప్పుడు మానసికంగా కుంగిపోయినవారి కోసం ప్రత్యేక పునరావాస కేంద్రం ఏర్పాటు చేయాలనే ఆలోచనలో ఉండటం ఆయన సామాజిక బాధ్యతను తెలియజేస్తుంది.
మాతృదేవోభవ ఆశ్రమంలో సరైన సౌకర్యాలు లేకపోవడంతో నివాసితులు చెట్ల కింద భోజనం చేయడం చూసి మనోజ్ చలించిపోయారు. వెంటనే బల్లలు, కుర్చీలు ఏర్పాటు చేస్తానని హామీ ఇవ్వడం ఆయన సున్నిత మనసుకు నిదర్శనం. భవిష్యత్తులో కూడా ఐక్య ధైర్య సేనా సమితి ఈ ఆశ్రమానికి అండగా ఉంటుందని ఆయన చెప్పడం ఆశ్రమ నిర్వాహకుల్లో కొత్త ఆశలను నింపింది.
ఇక మనోజ్ సినీ కెరీర్ విషయానికి వస్తే… ప్రస్తుతం ‘డేవిడ్ రెడ్డి’ చిత్రంలో నటిస్తుండగా ఈ చిత్రం దసరాకి ప్రేక్షకుల ముందుకు రానుంది. అలాగే జూన్ 7న ‘రక్షక్’ సినిమా లాంచ్కు సిద్ధమవుతోంది. మరోవైపు ‘వడ్డీ కాసులు వాడ’ మూవీ తెరకెక్కుతోంది. సినిమాలతో పాటు తన బాడీ ట్రాన్స్ఫర్మేషన్పైనా మనోజ్ ప్రత్యేక శ్రద్ధ తీసుకుంటున్నారు.
అయితే వీటన్నింటికంటే గొప్పది ఆయన చేస్తున్న మానవ సేవ. కెమెరా ముందు మాత్రమే కాదు.. జీవితంలోనూ హీరోగా నిలుస్తూ మనోజ్ మంచు సమాజానికి స్ఫూర్తిగా మారుతున్నారు. పేరు, ప్రతిష్ఠలు వచ్చిన తర్వాత కూడా బాధలో ఉన్న మనుషుల్ని మర్చిపోకుండా, వారిని మళ్లీ గౌరవప్రదమైన జీవితానికి తీసుకురావాలని ప్రయత్నించడం నిజంగా అభినందనీయం.
manchu-manoj-social-service
ఇలాంటి మంచి మనసులు మరింత పెరిగితేనే సమాజం నిజమైన అభివృద్ధి దిశగా ముందుకు సాగుతుంది. హీరో అనేది కేవలం తెరమీద కాదు.. మనుషుల జీవితాల్లో వెలుగు నింపేవాడే అసలైన హీరో అని మనోజ్ మంచు మరోసారి నిరూపించారు.
About the Author
