నారా రోహిత్ తన తదుపరి ప్రతిష్టాత్మక ప్రాజెక్ట్తో ప్రేక్షకుల ముందుకు రానున్నారు. కరణ్ సి ప్రొడక్షన్స్ ఎల్ఎల్పీ నిర్మిస్తున్న ఈ చిత్రం ప్రొడక్షన్ నెం. 5గా రూపొందుతోంది. #RN23 ఫీల్గుడ్ రొమాంటిక్ కామెడీగా, కుటుంబ భావోద్వేగాలతో ప్రేక్షకులను అలరించనుంది. ఈ చిత్రానికి నిర్మాతగా భరత్ చౌదరి వ్యవహరిస్తుండగా, కథ–స్క్రీన్ప్లే అందిస్తూ చినిమిల్లి మణికుమార్ దర్శకుడిగా పరిచయం అవుతున్నారు. సోమవారం చిత్ర ప్రారంభోత్సవం ఘనంగా జరిగింది. స్టార్ డైరెక్టర్ కొరటాల శివ ముహూర్తపు షాట్కు క్లాప్ కొట్టి చిత్రాన్ని అధికారికంగా ప్రారంభించారు. ప్రొడ్యూసర్ దిల్ రాజు ఫస్ట్ షాట్ను డైరెక్ట్ చేయగా, సీనియర్ నిర్మాత చదలవాడ శ్రీనివాస్ రావు కెమెరా స్విచ్ ఆన్ చేశారు.
క్రేజీ హీరోయిన్ నయన్ సారిక ఈ చిత్రంలో రోహిత్ నారాకు జోడీగా నటిస్తున్నారు. అలాగే నరేష్ వీకే, రోహిణి, సంపత్, అజయ్ కీలక పాత్రల్లో కనిపించనున్నారు. వినోదానికి మరింత బలం చేకూర్చేందుకు వెన్నెల కిషోర్, సుదర్శన్, బ్రహ్మాజీ, రఘు కారుమంచి కూడా ఈ చిత్రంలో భాగమవుతున్నారు. ఇప్పటికే విడుదలైన అనౌన్స్మెంట్ పోస్టర్పై ఉన్న “షౌటింగ్ సూన్” ట్యాగ్లైన్ ప్రేక్షకుల్లో ఆసక్తిని పెంచింది. పోస్టర్లో కనిపించిన కలర్ఫుల్ టోన్, ఎనర్జిటిక్ వైబ్ ఈ సినిమా పూర్తి స్థాయి ఎంటర్టైనర్గా ఉండబోతోందని సూచిస్తున్నాయి. టెక్నికల్ టీమ్ కూడా బలంగా ఉంది. సినిమాటోగ్రాఫర్గా వెంకట్ సి దిలీప్ పనిచేస్తుండగా, ప్రొడక్షన్ డిజైన్ బాధ్యతలను సుప్రియా బట్టెపాటి నిర్వహిస్తున్నారు.
యూత్తో పాటు ఫ్యామిలీ ఆడియన్స్ను ఆకట్టుకునేలా హాస్యం, ప్రేమ, భావోద్వేగాలు, రిలేటబుల్ మూమెంట్స్తో #RN23 రూపొందుతోంది. ఈ చిత్రానికి సంబంధించిన మరిన్ని అప్డేట్స్ను త్వరలోనే మేకర్స్ వెల్లడించనున్నారు. రెగ్యులర్ షూటింగ్ త్వరలో ప్రారంభం కానుంది. ఈ చిత్రానికి ‘‘సౌండ్ ఇంజినీర్”అనే టైటిల్ పరిశీలిస్తున్నట్టు తెలుస్తోంది.
About the Author
👍