తమిళ స్టార్ హీరో సూర్య Suriyaతో కలిసి నటించడం తన కెరీర్‌లో ఓ ప్రత్యేకమైన క్షణమని నటి ఎస్ శివదా Sshivada చెప్పింది. మలయాళ, తమిళ చిత్రాల్లో నటించి మంచి గుర్తింపును తెచ్చుకున్న ఈమె అసలు పేరు కె. వి. శ్రీలేఖ నాయర్. 2008లో కెరీర్ ప్రారంభించిన ఈమె, ‘నెడుంచాలై’ వంటి చిత్రాల ద్వారా మంచి గుర్తింపు తెచ్చుకుంది. తాజాగా సూర్య హీరోగా ఆర్‌‌జే బాలాజీ R. J. Balaji (RJB) దర్శకత్వంలో రూపొందిన ‘కరుప్పు’ చిత్రంలో మంచి పాత్ర పోషించింది. ఆదివారం మధురైలో జరిగిన ‘కరుప్పు’ Karuppu Audio Launch ఈవెంట్‌లో హీరోయిన్ శివదా చేసిన వ్యాఖ్యలు ప్రస్తుతం సోషల్ మీడియాలో హాట్ టాపిక్‌గా మారాయి. ఆమె మాటల్లో కనిపించిన ఆనందం, కృతజ్ఞత, భావోద్వేగం ప్రేక్షకులను ఆకట్టుకుంటోంది. మధురైలో షూటింగ్ సమయంలో అనుభవించిన ఆనందాన్ని గుర్తుచేసుకున్నారు. “మధురైకి రావడం చాలా సంతోషంగా అనిపించింది. ఇక్కడ నిలబడి మాట్లాడటం ఒక పవర్‌ఫుల్ మాస్ ఫీలింగ్ ఇస్తోంది” అని చెప్పడం ఆమెకు ఆ ప్రదేశంతో ఉన్న అనుబంధాన్ని స్పష్టం చేస్తోంది. తమిళ ప్రేక్షకుల పట్ల ఆమెకు ఉన్న అభిమానాన్ని కూడా ఇది తెలియజేస్తోంది. అలాగే తాను ఈరోజు ఇక్కడ ఉండటానికి కారణమైన, అవకాశం కల్పించిన RJB సర్‌‌కి థ్యాంక్యూ అని చెప్పింది.షూటింగ్ సమయంలో ఆయన తీసుకువచ్చే పాజిటివ్ ఎనర్జీ గురించి కూడా ఆమె చెప్పడం, యూనిట్‌లో ఉన్న మంచి వాతావరణాన్ని చూపిస్తోంది.

“సూర్య సర్‌తో నటించడం మరపురాని అనుభవం. అది నా బర్త్‌డే రోజునే జరిగింది” అని చెప్పినప్పుడు ఆమె భావోద్వేగానికి లోనయ్యారు. ఈ మాటలు ప్రేక్షకులలో మరింత ఆసక్తిని పెంచాయి. దర్శకుడు R. J. Balaji సెట్స్‌లో ఎప్పుడూ ఫన్, పాజిటివిటీ నింపుతారని ఆమె చెప్పారు. ఒక మంచి వర్క్ ఎన్విరాన్‌మెంట్ ఎలా ఉండాలో ఈ వ్యాఖ్యలు చూపిస్తున్నాయి. శివదా Sshivada మాట్లాడిన ఈ మాటలు సూర్య ఫ్యాన్స్‌ను ఆకట్టుకున్నాయి. కరుప్పు సినిమా పట్ల ఆమె చూపిన పాజిటివ్ ఎనర్జీ, ప్రేక్షకుల్లో మంచి ఎక్స్‌పెక్టేషన్స్‌ను పెంచుతోంది.