ఐకాన్ స్టార్ అల్లు అర్జున్ హీరోగా తమిళ దర్శకుడు అట్లీ డైరెక్షన్‌లో కళానిధి మారన్ సమర్పణలో సన్ పిక్చర్స్ సంస్థ ఓ భారీ పాన్ ఇండియా చిత్రాన్ని నిర్మిస్తున్న సంగతి తెలిసిందే. ఇప్పటికే ముంబైలో కొంతభాగం షూట్ చేశారు. బుధవారం అల్లు అర్జున్ బర్త్‌డే సందర్భంగా ఈ మూవీ టైటిల్‌తోపాటు బన్నీ ఫస్ట్ లుక్ పోస్టర్‌‌ను రిలీజ్ చేశారు మేకర్స్. గుండు, బీస్ట్ చేతితో నెవర్ బిఫోర్ లుక్‌లో కనిపిస్తున్న అల్లు అర్జున్ పోస్టర్‌ సినిమాపై అంచనాలు పెంచుతోంది. ఈ లుక్‌కు సోషల్ మీడియాలో అదిరిపోయే రెస్పాన్స్ వస్తోంది. ‘రాకా’ నువ్వు కేక అంటూ ఫ్యాన్స్ కామెంట్లు పెడుతున్నారు. సరికొత్త సినిమాటిక్ వరల్డ్‌లోకి తీసుకెళ్లేలా ఈ చిత్రం ఉండబోతోందని టీం చెబుతోంది. సైన్స్ ఫిక్షన్ బ్యాక్‌డ్రాప్‌లో తెరకెక్కుతోన్న ఈ చిత్రంలో అల్లు అర్జున్ మూడు డిఫరెంట్ క్యారెక్టర్స్‌లో కనిపించబోతున్నాడని సమాచారం. దీపికా పదుకొనె హీరోయిన్‌గా నటిస్తోంది. హాలీవుడ్ టెక్నీషియన్స్‌తో భారీ బడ్జెట్‌తో తెరకెక్కుతోన్న ఈ చిత్రానికి అనిరుధ్ సంగీతం అందిస్తున్నాడు.