సినిమా ఇండస్ట్రీలో అవకాశాల కోసం ఎన్నో కథలు, ఎన్నో కలలు వేచి చూస్తుంటాయి. ముఖ్యంగా దర్శకుల విషయంలో ఇది మరింత నిజం. ప్రతిభ ఉన్నా అవకాశాలు రాక వెనుకబడిపోయే వారు చాలామంది. అలాంటి పరిస్థితుల్లో ఒక కొత్త దిశగా అడుగు వేయాలని నిర్ణయించుకున్నారు నిర్మాత చదలవాడ శ్రీనివాసరావు.
“ఒక్క సినిమా కాదు… పది అవకాశాలు!”
సాధారణంగా నిర్మాతలు భారీ బడ్జెట్‌తో ఒకటి లేదా రెండు సినిమాలు తీసేందుకు మొగ్గు చూపుతారు. కానీ చదలవాడ శ్రీనివాసరావు ఆలోచన మాత్రం పూర్తిగా భిన్నం. మొత్తం 30 కోట్ల బడ్జెట్‌తో 10 సినిమాలు నిర్మించాలని నిర్ణయించడం ఇండస్ట్రీలో చర్చనీయాంశంగా మారింది. అంటే ప్రతి సినిమా సుమారు 3 కోట్ల లోపు పూర్తయ్యేలా ప్రణాళిక.
కొత్త దర్శకులకు గోల్డెన్ ఛాన్స్
ఈ ప్రాజెక్ట్‌లో ముఖ్య లక్ష్యం అవకాశాలు రాని కొత్త దర్శకులకు వేదిక కల్పించడం. కథపై నమ్మకం ఉంటే, కొత్త టాలెంట్‌కు అవకాశం ఇవ్వాలనే ఉద్దేశంతో ఈ నిర్ణయం తీసుకున్నారు. ఇప్పటివరకు కథలు చెప్పేందుకు కూడా ఛాన్స్ దొరకని దర్శకులకు ఇది ఒక గోల్డెన్ ఛాన్స్‌గా మారొచ్చు.
కంటెంట్‌కే ప్రాధాన్యం
భారీ సెట్స్, స్టార్ క్యాస్టింగ్ కంటే కంటెంట్‌పై దృష్టి పెట్టే ప్రయత్నం ఇది. చిన్న బడ్జెట్ అయినా మంచి కథ ఉంటే ప్రేక్షకులు ఆదరిస్తారనే నమ్మకంతో ఈ ప్రణాళిక రూపొందింది. ఇటీవల చిన్న సినిమాలు పెద్ద విజయాలు సాధించిన ఉదాహరణలు కూడా దీనికి బలం ఇస్తున్నాయి.
రిస్క్… కానీ అవసరమైన రిస్క్!
ఒకేసారి 10 సినిమాలు నిర్మించడం అనేది చిన్న విషయం కాదు. ఇది ఒక పెద్ద రిస్క్. కానీ ఇదే సమయంలో ఇండస్ట్రీకి కొత్త రక్తం అందించే ప్రయత్నంగా కూడా చూడాలి. ఒక్క సినిమా హిట్ అయితేనే ప్రాజెక్ట్ సక్సెస్ అయినట్టే కాకుండా, కొత్త దర్శకులకు మార్గం సుగమం అవుతుంది.
ఇండస్ట్రీలో కొత్త ట్రెండ్!
ఈ ప్రయత్నం సక్సెస్ అయితే, మరికొంతమంది నిర్మాతలు కూడా ఇదే మార్గాన్ని అనుసరించే అవకాశం ఉంది. అప్పుడు ఇండస్ట్రీలో కొత్త దర్శకులకు అవకాశాలు మరింత పెరిగే ఛాన్స్ ఉంది.

ఇది కేవలం 10 సినిమాల ప్రాజెక్ట్ మాత్రమే కాదు.. కొత్త కలలకు, కొత్త కథలకు, కొత్త దర్శకులకు ఓ వేదిక. అయితే ఈ ఆలోచన ఎంతవరకు సక్సెస్ అవుతుందో చూడాలి. ఒక విషయం మాత్రం ఖాయం .. ఇది ఇండస్ట్రీలో “డిఫరెంట్ మూవ్” అనే చెప్పాలి.

తెలుగు ఫిల్మ్ డైరెక్టర్స్ అసోసియేషన్ (TFDA) ఆధ్వర్యంలో ఈ ప్రాజెక్టుకులు జరగనున్నాయి. ఈ సందర్భంగా నిర్వహించిన మీడియా సమావేశంలో నిర్మాత చదలవాడ శ్రీనివాసరావు మాట్లాడుతూ ‘‘ఇలా పబ్లిసిటీ చేసుకోవడం నాకు ఇష్టం ఉండదు. కానీ వీఎన్ ఆదిత్య గారు మాత్రం నా చేతుల మీదుగానే ఈ ప్రకటన జరగాలని అన్నారు. సినిమా ఇండస్ట్రీలో డబ్బు సంపాదించలేకపోయినా.. కళామతల్లికి చేసిన సేవతో నాకు సంపూర్ణ ఆరోగ్యం, సంతోషం కలుగుతుంది. ఏఎన్నార్ గారు, శోభన్ బాబు గార్ల దగ్గరి నుంచి నేను ఎంతో మందితో ఎన్నో సినిమాలు తీశాను. నాకు అజయ్ అనే వ్యక్తి ఫ్యామిలీ మెంబర్‌. ఆయన నాకు ‘జీవిత ఖైదు’ 75 లక్షల్లో తీసి పెట్టారు. అప్పట్లో నాకు ఏడు కోట్ల షేర్ వచ్చింది. నేను అప్పట్లో ప్రతీ సినిమాని 30 నుంచి 40 రోజుల్లో తీశాను. నాకు ఇప్పుడున్న ఇండస్ట్రీ కన్నా అప్పుడున్న ఇండస్ట్రీ అంటేనే ఇష్టం. శోభన్ బాబు గారు, ఏఎన్నార్ గారు లాంటి హీరోలు మాకెంతో సపోర్ట్ చేస్తుండేవారు. ఇప్పుడు సినిమా పరిశ్రమలో అన్నీ పెరిగాయి.. థియేటర్లు మాత్రం తగ్గుతున్నాయి. సత్తా ఉన్న నిర్మాతలు, దర్శకులకి కూడా తక్కువ అవకాశాలు వస్తున్నాయి. అందుకే నేను దర్శకులకు అండగా ఉండాలని నిర్ణయించుకున్నాను. మంచి విలువలు, మంచి కథలు, కమర్షియ్ అంశాలుండే గొప్ప సినిమాల్ని తీయాలని కోరుకుంటున్నాను. క్వాలిటీ సినిమాలు తీయాలి.. క్రమశిక్షణతో కచ్చితంగా ఉదయం ఏడు గంటలకు షాట్ తీయాలి. మంచి సినిమాలు తీసి.. వాటి ద్వారా హీరోలు, ఆర్టిస్టులు, దర్శకులు ఇండస్ట్రీలో నిలబడితే నాకు అదే చాలు’ అని అన్నారు.
ఈ సమావేశంలో అసోసియేషన్ అధ్యక్షులు వి.ఎన్. ఆదిత్య, ట్రెజరర్ సాయి రాజేష్, వైస్ ప్రెసిడెంట్ సముద్ర, దర్శకులు నవీన్ మేడారం, అజయ్ కుమార్, ప్రసన్న కుమార్ తదితరలు హాజరై ఇదొక బృహత్తరమైన కార్యమని కొనియాడుతూ.. చదలవాడ శ్రీనివాసరావు ఇచ్చిన ఈ అద్భుతమైన అవకాశాన్ని అందరూ సద్వినియోగం చేసుకుంటారని ఆశిస్తున్నాం అని అన్నారు.