మెగా పవర్ స్టార్ రామ్ చరణ్ హీరోగా, దర్శకుడు బుచ్చి బాబు సానా కాంబినేషన్‌లో తెరకెక్కుతున్న మోస్ట్ అవైటెడ్ పాన్-ఇండియా స్పోర్ట్స్ యాక్షన్ డ్రామా ‘పెద్ది’ ఫైనల్ స్టేజ్‌కు చేరుకుంది. ఈ సినిమా షూటింగ్ ఇంకా 6 రోజుల్లో పూర్తికానుందని మంగళవారం మేకర్స్ అనౌన్స్ చేశారు. ఈ సందర్భంగా సెట్‌లో చరణ్, బుచ్చిబాబు ఉన్న స్టిల్‌ను రిలీజ్ చేసి ఈ అప్‌డేట్ అందించారు. ఈ స్టిల్‌లో పొడవాటి జుట్టు, గడ్డం, స్టైలిష్ షేడ్స్‌తో రగ్గడ్ అవతార్‌లో కనిపిస్తున్న చరణ్, పాత్రలోని ఇంటెన్సిటీని బలంగా ప్రదర్శిస్తున్నట్టు తెలుస్తోంది. అయితే ఈ మూవీ రిలీజ్ డేట్ మార్పుపై టాలీవుడ్‌లో కొత్త చర్చలు మొదలయ్యాయి. షూటింగ్ ఇంకా కేవలం ఆరు రోజులు మాత్రమే మిగిలి ఉందని మేకర్స్ స్పష్టం చేసినప్పటికీ, సినిమా విడుదల జూన్‌కు ప్లాన్ చేయడం ఇప్పుడు అనుమానాలకు దారి తీస్తోంది.
ఇండస్ట్రీ వర్గాల్లో వినిపిస్తున్న మాటల ప్రకారం, షూటింగ్ దాదాపు పూర్తవుతున్న ఈ దశలో కూడా విడుదలను వాయిదా వేయడం వెనుక కొన్ని కీలక కారణాలు ఉండొచ్చని ట్రేడ్ అనలిస్టులు భావిస్తున్నారు. ముఖ్యంగా పోస్ట్ ప్రొడక్షన్ పనులు పెద్ద స్థాయిలో ఉండటం ఒక ప్రధాన కారణంగా చెబుతున్నారు. భారీ బడ్జెట్, పాన్-ఇండియా లెవెల్‌లో తెరకెక్కుతున్న సినిమా కావడంతో విజువల్ ఎఫెక్ట్స్, సౌండ్ డిజైన్, ఎడిటింగ్ వంటి అంశాల్లో అత్యుత్తమ క్వాలిటీ కోసం సమయం తీసుకుంటున్నారనే టాక్ వినిపిస్తోంది. ఇక సంగీత దర్శకుడు ఏ.ఆర్. రెహమాన్ బ్యాక్‌గ్రౌండ్ స్కోర్ కూడా ఈ సినిమాకు కీలకంగా మారనుంది. రెహమాన్ స్టైల్‌కు తగ్గట్టుగా టైమ్ తీసుకుని పనిచేయడం వల్ల కూడా రిలీజ్ డేట్ ముందుకు జరగలేదనే అభిప్రాయం వ్యక్తమవుతోంది. మరోవైపు, ప్రమోషన్ ప్లానింగ్ కూడా ఒక కారణమని అంటున్నారు. ఇప్పటికే రిలీజ్ చేసిన గ్లింప్స్, పాటలు భారీ స్పందన తెచ్చుకున్న నేపథ్యంలో, మేకర్స్ ఈ హైప్‌ను మరింత పెంచేలా స్ట్రాటజీ రూపొందిస్తున్నారని తెలుస్తోంది. సరైన టైమింగ్‌లో సినిమాను విడుదల చేసి, బాక్సాఫీస్ వద్ద మాక్సిమమ్ రిజల్ట్ సాధించాలన్న ఉద్దేశంతో జూన్ రిలీజ్‌ను ఫిక్స్ చేసినట్టు సమాచారం. హీరోయిన్‌గా జాన్వీ కపూర్ నటిస్తున్న ఈ చిత్రంలో శివ రాజ్‌కుమార్, జగపతి బాబు, బొమన్ ఇరానీ, దివ్యేందు శర్మ వంటి స్టార్ కాస్ట్ కీలక పాత్రల్లో కనిపించనున్నారు. మొత్తానికి, ‘పెద్ది’ షూటింగ్ చివరి దశలో ఉన్నప్పటికీ, విడుదల విషయంలో మేకర్స్ తీసుకుంటున్న జాగ్రత్తలు సినిమా స్థాయిని మరింత పెంచే ప్రయత్నంగానే కనిపిస్తున్నాయి. అయితే ఈ ఆలస్యం వెనుక అసలు కారణం ఏంటన్నది మాత్రం అధికారికంగా తెలియాల్సి ఉంది.

ఇప్పటికే విడుదలైన ప్రమోషనల్ కంటెంట్‌తో ‘పెద్ది’ భారీ హైప్‌ను క్రియేట్ చేసింది. ముఖ్యంగా రిలీజ్ చేసిన రెండు పాటలు ‘చికిరి చికిరి’, ‘ రై రై రా రా’ పాటలు చార్ట్‌బస్టర్‌లుగా నిలవగా, గ్లింప్స్‌లో రామ్ చరణ్ డిఫరెంట్ అవతార్స్‌లో కనిపించి అభిమానులను ఆకట్టుకున్నారు. ఆయన బర్త్‌డే సందర్భంగా విడుదలైన ప్రత్యేక గ్లింప్స్‌కు అద్భుతమైన స్పందన లభించి, సినిమాపై అంచనాలను మరింత పెంచింది.
షూటింగ్‌తో పాటు పోస్ట్ ప్రొడక్షన్ పనులు కూడా సమాంతరంగా కొనసాగుతున్నాయి. ఎలాంటి రాజీ లేకుండా అత్యుత్తమ క్వాలిటీతో సినిమాను ప్రేక్షకుల ముందుకు తీసుకురావడమే మేకర్స్ లక్ష్యంగా పనిచేస్తున్నారు. ఈ చిత్రం జూన్‌లో థియేటర్లలో గ్రాండ్‌గా విడుదల కానుంది. సాంకేతికంగా కూడా ‘పెద్ది’ భారీ స్థాయిలో రూపొందుతోంది. సినిమాటోగ్రఫీని ఆర్. రత్నవేలు అందిస్తుండగా, మ్యూజిక్‌ను లెజెండరీ కంపోజర్ ఏ.ఆర్. రెహమాన్ సమకూరుస్తున్నారు. ఎడిటింగ్ బాధ్యతలను నవీన్ నూలి నిర్వహిస్తున్నారు. ప్రొడక్షన్ డిజైన్‌ను అవినాష్ కొల్లా చూసుకుంటున్నారు. మైత్రి మూవీ మేకర్స్, సుకుమార్ రైటింగ్స్ సమర్పణలో, వెంకట సతీష్ కిలారు నిర్మిస్తున్న ఈ చిత్రం, భారీ అంచనాల మధ్య విడుదలకు సిద్ధమవుతోంది. ‘పెద్ది’తో రామ్ చరణ్ మరోసారి పాన్-ఇండియా స్థాయిలో సంచలనం సృష్టిస్తారో చూడాలి.