Nani
హీరో కిరణ్ అబ్బవరం, శ్రీ గౌరి ప్రియ జంటగా “కలర్ ఫొటో”, “బేబి” వంటి కల్ట్ క్లాసిక్ మూవీస్ ప్రేక్షకులకు అందించిన మేకర్స్ ఎస్ కేఎన్, సాయి రాజేశ్ కాంబినేషన్ లో రూపొందుతున్న “చెన్నై లవ్ స్టోరీ” సినిమాకు బిజినెస్ పరంగా మంచి క్రేజ్ ఏర్పడుతోంది. ఈ చిత్రాన్ని అమృత ప్రొడక్షన్స్, మాస్ మూవీ మేకర్స్ బ్యానర్స్ పై ఎస్ కేఎన్, సాయి రాజేశ్ నిర్మిస్తున్నారు. సాయి రాజేశ్ కథను అందిస్తున్న ఈ చిత్రానికి రవి నంబూరి దర్శకత్వం వహిస్తున్నారు. మెలొడీ బ్రహ్మ మణిశర్మ “చెన్నై లవ్ స్టోరీ” సినిమాకు సంగీతాన్ని అందిస్తున్నారు.ఈ సినిమా ఫస్ట్ సింగిల్ తోనే మ్యూజికల్ బ్లాక్ బస్టర్ జర్నీ స్టార్ట్ చేసింది. ఈ సినిమా నుంచి రీసెంట్ గా రిలీజ్ చేసిన ‘గురుతుందా..’ పాట మ్యూజిక్ లవర్స్ ను మెస్మరైజ్ చేస్తోంది. ఈ పాట రిలీజైన 10 రోజుల్లోనే 10 మిలియన్ ఫ్లస్ వ్యూస్ సాధించడం విశేషం. ‘గురుతుందా..’ పాటలోని తొలి ప్రేమేం తోపు కాదే తోపు కాదే అమ్మడూ, నీ లైఫ్ నీ ఆపలేదే ఆపలేదే ఎన్నడూ అనే హుక్ లైన్ సోషల్ మీడియాలో వైరల్ గా మారింది. మెలొడీ బ్రహ్మ మణిశర్మ ప్లెజెంట్ కంపోజిషన్, అనంత శ్రీరామ్ అందమైన సాహిత్యం, హరిచరణ్, శృతిక సముద్రాల ఎక్స్ ప్రెసివ్ గా పాడిన విధానం మ్యూజిక్ లవర్స్ ను బాగా ఆకట్టుకుంటోంది.
