Sharwanand Sreenu Vaitla Combo Ready To Shoot
తనదైన కామెడీ టైమింగ్, కమర్షియల్ టేకింగ్తో ఎన్నో బ్లాక్ బస్టర్ హిట్స్ అందించిన శ్రీనువైట్ల.. ఇప్పుడు మరోసారి తన మార్క్ ఎంటర్టైన్మెంట్తో ప్రేక్షకులను అలరించేందుకు సిద్ధమవుతున్నారు. ఈసారి ఆయనకు తోడుగా చార్మింగ్ స్టార్ శర్వానంద్ ఉండటం ఈ ప్రాజెక్ట్పై ఆసక్తిని మరింత పెంచుతోంది.
శర్వానంద్ హీరోగా, దర్శకుడు శ్రీనువైట్ల దర్శకత్వంలో స్టార్ ప్రొడ్యూసర్ అనిల్ సుంకర నిర్మాణ సంస్థ ఏకే ఎంటర్టైన్మెంట్స్ బ్యానర్పై తెరకెక్కనున్న ఈ భారీ చిత్రానికి నేడు జూబ్లీ హిల్స్లో ప్రారంభోత్సవ పూజా కార్యక్రమం జరిగింది. ఈ కార్యక్రమంతో సినిమా అధికారికంగా ప్రారంభమైనట్లే కాగా, ప్రస్తుతం ప్రీ- ప్రొడక్షన్ పనులు కూడా వేగంగా సాగుతున్నాయి.
Sharwanand Sreenu Vaitla Combo Ready To Shoot
ఈ చిత్రాన్ని వచ్చే ఏడాది సంక్రాంతి కానుకగా విడుదల చేయాలని మేకర్స్ ఇప్పటికే ప్లాన్ చేస్తున్నారు. తెలుగు సినిమా ఇండస్ట్రీలో సంక్రాంతి సీజన్కు ప్రత్యేకమైన ప్రాధాన్యం ఉండటంతో, అదే సమయంలో ప్రేక్షకుల ముందుకు రావాలనే లక్ష్యంతో చిత్ర బృందం ప్రణాళికలు సిద్ధం చేస్తోంది. అందుకు తగ్గట్టుగానే ప్రీ-ప్రొడక్షన్ పనులను వేగవంతం చేసింది.
ఏకే ఎంటర్టైన్మెంట్స్ బ్యానర్పై ఇప్పటికే పలు విజయవంతమైన చిత్రాలు నిర్మించిన అనిల్ సుంకర, ఈసారి శర్వానంద్–శ్రీనువైట్ల కాంబోను ప్రేక్షకుల ముందుకు తీసుకురానున్నారు. కమర్షియల్ విలువలతో పాటు వినోదానికి పెద్దపీట వేస్తూ ఈ చిత్రాన్ని అత్యున్నత నిర్మాణ విలువలతో రూపొందించనున్నట్లు తెలుస్తోంది.
సినిమాకు సంబంధించిన హీరోయిన్, ఇతర నటీనటులు, సాంకేతిక బృందం, టైటిల్తో పాటు రెగ్యులర్ షూటింగ్ తేదీలను త్వరలోనే అధికారికంగా ప్రకటించనున్నారు. ఇప్పటివరకు వచ్చిన సమాచారం ప్రకారం, శ్రీనువైట్ల శైలిలో హాస్యం, యాక్షన్, కుటుంబ భావోద్వేగాలు సమపాళ్లలో ఉండే పూర్తి స్థాయి కమర్షియల్ ఎంటర్టైనర్గా ఈ చిత్రం రూపొందనుంది.
శర్వానంద్ చార్మ్, శ్రీనువైట్ల కామెడీ టచ్, అనిల్ సుంకర నిర్మాణ విలువలు కలిసి వస్తుండటంతో ఈ కాంబినేషన్ మూవీపై ఇప్పటికే ఇండస్ట్రీలోనూ, ప్రేక్షకుల్లోనూ మంచి బజ్ ఏర్పడింది. పూజా కార్యక్రమంతో మొదలైన ఈ ప్రయాణం.. వచ్చే సంక్రాంతికి థియేటర్లలో భారీ సందడి చేయడానికి “అంతా సిద్ధం” అనే సంకేతాలనే ఇస్తోంది.
ఆనందం, వెంకీ, ఢీ, రెడీ, కింగ్, దూకుడు, బాద్షా వంటి సూపర్ హిట్ చిత్రాలతో ప్రేక్షకులను కడుపుబ్బా నవ్వించిన శ్రీనువైట్ల.. మరోసారి పూర్తి స్థాయి ఫ్యామిలీ కమర్షియల్ ఎంటర్టైనర్ను సిద్ధం చేస్తున్నారు. మరోవైపు ఇటీవల వరుస విజయాలతో మంచి ఫామ్లో ఉన్న శర్వానంద్ కూడా ఈ చిత్రంతో మరో హిట్ అందుకోవాలనే పట్టుదలతో ఉన్నారు. ఇద్దరి కలయికలో వస్తున్న తొలి చిత్రం కావడంతో అభిమానుల్లో మంచి ఆసక్తి నెలకొంది.
About the Author
